大多數港銀近日都上調定期存款息率，市民依家只要拎15萬開個定存戶口，就可以袋1500蚊利息。相比之下，大多數港銀嘅股息回報率只係介乎2厘至4厘，雖然內銀嘅股息回報率比港銀吸引得多，但依家大市風高浪急，有股喺手就要擔心蝕價，傳統高息股仲值唔值得買？
安泓投資投資總監楊書健話，定存息高低主要係睇銀行嘅資金需求，如果銀行資金狀況緊拙，自然會調高息率搶錢，相反，水浸時就會調低息率，建議投資者要考慮息率波動。另外，定息產品唔會有股價增長，所以長遠嚟講唔適宜All in定存。
至於揀港銀定內銀好，Victor就話，要睇返地緣政治因素，港銀有穩健嘅政治經營環境，而且未來仍然有跟隨美國加息嘅趨勢，事實上，港銀股價年初至今嘅升幅都係跑贏內銀。
https://www.youtube.com/watch?v=SgR_HgeRwn8&list=PLdOyVQwFLbT1dstd20jsnfq0pulkeyy9k&index=1
沒有留言:
張貼留言